Дүгнэлт

Дээрх графикуудаас харахад Монгол улс руу хамгийн ихээр халдлага хийдэг эх сурвалж нь Хятад, Оросын Холбооны улс болон Америкийн нэгдсэн улсуудад байдаг IP хаягууд байна.  Тухайлбал 2009 оны 12-р сард Хятад улсаас 5361 халдлага хийсэн байхад Орос улсаас 3200, Америкийн нэгдсэн улсаас 3000 халдлага хийсэн байна. Эдгээр улсуудын араас Бразил-1423, Солонгос-1212, Аргентин-983, Япон-942, Итали-908 удаа халдлага хийсэн тоогоороо эрэмблэгдсэн байна.
Зураг 2-оос харахад Монгол улсын Интернет сегмент, дэд бүтэц, өгөгдөл мэдээлэлд халдаж буй халдлагууд сар бүр өсөж байгаа ба зөвхөн 2009 оны 09-р сард бага зэрэг буурсан байгаа нь Мэдээллийн аюулгүй байдалд тулгарч буй эрсдэл, аюулууд улам бүр өсөн нэмэгдэж байгаа, мэдээллийн дайн байнга явагдаж байгааг нотлон харуулж байна. Энэ хандлагыг төр, засгийн түвшинд ойлгон мэдэрч хүлээн авч, зохих арга хэмжээг хэрэгжүүлж чадсанаар улам бүр өсөн нэмэгдэж буй эрсдлүүдийг сөрөн зогсох, болзошгүй аюултай тэмцэх бэлэн байдлаа (мэдээллийн аюулгүй байдлыг хангах) бий болгож чадна.